Link açıqlığı

Ermenistan prezidenti Serzh Sargsyan ve Azerbaycan prezidenti İlham Aliyev Dağlıq Qarabağda ateş toqtatılması ve davanıñ barışıq şekilde çezilmesiniñ tarafdarı olğanlarını tasdıqladılar.

«Minsk gruppasınıñ» moderatorları olğan AQŞ (Amerika Qoşma Ştatları), Frenkistan ve Rusiyege berilgen muracaatta Ermenistan ve Azerbaycan prezidentleri umumiy idare etüv muzakereleri içün dialognıñ kelecek basamağı aqqında da añlaştılar.

Taraflar regionda Avropa Telükesizlik ve İşbirligi Teşkilatınıñ(OSCE) közetici missiyasınıñ quvetleştirüvini de belgilediler.

Böyle añlaşmalarnı Viyanada mayıs 16-da Amerika, Rusiye ve Frenkistan diplomatları vastasınen tizdiler. Bu Dağlıq Qarabağda aprelde olğan cenkâver areketlerniñ eskalatsıyasından soñ Aliyev ve Sargsyannıñ arasında birinci körüşüvi edi.

Dağlıq Qarabağ Azerbaycannıñ halqara tanılğan sınırları içinde olğan bir muhtariyet, ealiniñ ekseriyeti ermeni, 1988-1994 seneleri olğan cenkten soñ bir taraflı şekilde öz mustaqillik aqqında bildirdi, neticede Azerbaycan region üzerindeki kontrolini coydı. Bakuda Ermenistan tarafından işğal olğanını dep sayalar.

Neticede Dağlıq Qarabağ davasında tahminen 30 000 insan vefat etti, yüz binlerce qaçaq oldı. Azerbaycan tek Dağlıq Qarabağnı degil, onıñ muhtarlığına kirmegen töpelerni de kontrol etmey.

XS
SM
MD
LG