Link açıqlığı

Saatnıñ esas haberi

Qırımnıñ Rusiye medeniyet naziri: Jamalanen ğururlanmayım


Kreml kontrol etken Qırımnıñ medeniyet naziri Arina Novoselskaya «Eurovisionda» Jamalanıñ ğalebesinen ğurur duymayım, dep bildirdi. Bunı o Qırım.Aqıqatqa ayttı.

«Eger kerçekten muzıka yarışı ayta bilecegim bir yarış ğalebesi olsa edi, ğurur duyar edim. Bu ise bir şou: içtimaiy, siyasiy, başqa, amma muzıka yarışı degil», – dep ayttı o.

Arina Novoselskayanıñ aytqanına köre, Aqmescit Tchaikovsky adında muzıka oquv yurtunda çalışqan vaqıtta Jamala onıñ talebesi edi. Nazir Jamalanıñ vokal istidatlarınen «Eurovisionda» degil, akademik yarışlarda iştirak etmekni tevsiye etti.

«Susannağa onıñ vokal istidatlarınen akademik yarışlarda iştirak etmek kerek. Çünki Susannanıñ opera sesi bar, ve öz sesini opera yırcılıqta qullanmaq kerek, özüni sınap baqmaq ve ğalebe qazanmaq kerek », – dep bildirdi Arina Novoselskaya.

Qırımtatarı olğan ukrain yırcısı Jamala (Susanna Camaladinova) 1944 senesi qırımtatar halqınıñ sürgünligini añlatqan «1944» yırınen mayıs 15-ke keçer gecesi İsveçiyanıñ paytahtı Stockholmde olıp keçken «Eurovision» yır yarışınıñ finalında ğalebe qazandı. Ekinci yerni Avstraliya, üçünci yerni Rusiye aldı.

XS
SM
MD
LG