Link açıqlığı

Saatnıñ esas haberi

Alasaniya «Eurovision-2017» Ukrainanıñ bir qaç şeerinde keçirile bilecegini ayta


Ukraina Milliy telekompaniyasınıñ baş müdiri Zurab Alasaniya «Eurovision-2017» yır yarışı Ukrainanıñ bir şeerinde degil, bir qaç şeerinde ötkerile bile, dep tüşüne. Bunı o Radio Svoboda yayınında ayttı.

«Euro-2012» tecribemiz bar, arena da bar ve bunıñ kibi büyük tedbirler keçirgen edik. Milliy saylav, eki yarım final ve final olmalı. Şimdilik ğaye bar, amma paytahttan ğayrı, bir qaç şeerde keçire bilemiz», – dep ayttı Alasaniya.

Onıñ bildirgenine köre, Ukraina yarış şartlarını bekley ve bundan soñ «Eurovision-2017» keçirilecek yerni belgileycek.

«Avropa yayın birliginiñ añlaşmasında yarım keçirilecek şeerde ne olmalı kibi şartlar qayd etilecek. Bundan soñra, şartlarnı alğan soñ, şeerlerge barıp mesleat keçirecekmiz», – dep qayd etti Zurab Alasaniya.

Qırımtatarı olğan ukrain yırcısı Jamala 1944 senesi qırımtatar halqınıñ sürgünligini añlatqan «1944» yırınen İsveçiyanıñ paytahtı Stockholmde olıp keçken «Eurovision» yır yarışınıñ finalında ğalebe qazandı. Yarış qaidelerine köre, nevbetteki yarışnı ğalip çıqqan memleket qabul etmeli.

Kyiv, Dnipropetrovsk, Odessa, Lviv ve Herson şeer yolbaşçıları 2017 senesi «Eurovision» yır yarışını qabul etmege azır olğanını bildirdiler.

XS
SM
MD
LG