Link açıqlığı

Saatnıñ esas haberi

Jamala – «Eurovision-2016» ğalibi


«Eurovision-2016» yarışında Ukrainanı temsil etken Jamala (Susanna Camaladinova) bu halqara yır konkursında ğalebe qazandı. Yarış finalı mayıs 14-te İsveçiya paytahtı Stokgolm şeerinde keçirildi.

Qırım tamırları olğan ukrain yırcısı Jamala 1944 senesi qırımtatar halqınıñ Orta Asiyağa kütleviy şekilde sürgünligi aqqında añlatqan «1944» yırını icra etti.

Rey berüv ceryanında Meclis reisi Refat Çubarov Facebook saifesinde yazdı: «Sağ ol, Jamala!»

61-ci «Eurovision» yır yarışında 42 devlet iştirak etti, finalğa 26 memleketniñ temsilcisi çıqtı.

Avropa yayınlama birliginiñ qaidelerine köre, ğalebe qazanğan iştirakçi nevbetteki sene konkursnı öz devletinde keçirmege aqqını ala, amma onı red ete bile.

Ukraina 2005 senesinde «Eurovision» yarışında iştirak etken edi. Bundan evel, 2004 senesi yarışta Ukraina temsilcisi Ruslana ğalebe qazandı.

XS
SM
MD
LG