Link açıqlığı

Türkiye paytahtı Ankarada mayıs 13-te Qırımtatar Yaşlıq Qurultayı başlandı. Bu aqta Qırımtatar resurs merkezi bildire.

«Merasimde 150-den ziyade Ukraina, Bulğaristan, Romaniya, Aqrusiye, Poloniya, Litvaniya, Almaniya, Felemenk, İsveçiya ve Türkiyeden delegatlar iştirak ete», – dep aytıla beyanatta.

Qırımtatar Yaşlıq Qurultayınıñ sekizinci toplaşuvı Ankarada mayıs 13-15 künleri keçirilecek.

Bundan evel forumda Rusiye tarafından işğal etilgen Qırımdan delegatlar iştirak etecekleri aqqında bildirile edi.

Keçken sene Türkiyede Bütün dünya qırımtatar kongressiniñ toplaşuvı keçirildi.

Bu künleri New York şeerinde Birleşken Milletler Teşkilâtınıñ Tamır halqları meseleleri boyunca daimiy forumınıñ 15-inci sessiyası keçirile. BMT Tamır halqları meseleleri boyunca daimiy forumı 2000 senesi iyül 28-de qabul etilgen İqtisadiy ve İçtimaiy Şurasınıñ 2000/22 rezolütsiyasına esaslanıp teşkil etildi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG