Ukraina Yuqarı Radası mayıs 12-de Donetsk ve Lugansk vilâyetindeki işğal etilgen territoriyalarda meskün yerlerniñ adlarını deñiştirüv, bundan da ğayrı, Qırım Muhtar Cumhuriyetiniñ meskün yerlerine qırımtatar adlarını qaytaruv boyunca qanunlarnı qabul etti.
Ukraina parlamenti Rusiye tarafından işğal etilgen Qırımda 75 meskün yerniñ ve rayonnıñ adlarını deñiştirdi.
Dekommunizatsiya çerçivesinde Donetsk vilâyetinde 37 meskün yerniñ ve bir rayonnıñ adları deñiştirildi. Lugansk vilâyetinde 36 meskün yerniñ adlarını deñiştirdiler.
Bu qararlarnı Ukraina parlamenti keçken seneden başlap ilân etilgen dekommunizatsiya siyaseti çerçivesinde qabul etti. Mütenasip qararlarda deputat Refat Çubarov bildirgen qırımtatar halqınıñ temsilcileriniñ fikri köz ögüne alınğan.
Azatlıq Radiosınıñ mühbiri bildirgen malümatqa köre, parlament azaları Dneprodzerjinsk şeeriniñ adını deñiştirüv boyunca bir qararğa kelmedi.
