Link açıqlığı

Mayıs 30-31 künleri Kiyevde «Qırımnıñ kelecegi» Halqara yaşlar forumı teşkil etilecek.

«Unikal bir merasim olğan «Qırımnıñ kelecegi» Halqara yaşlar forumında 18-35 yaşındaki 150 genç iştirak etecek, olar Qırım yaşlarınıñ eñ müim meselelerini muzakere etecekler», – dep ilân etile merasimniñ Facebook saifesinde.

Forumda «qırımtatarlarnıñ bugünki künde eñ müim meseleri» muzakere etilecek.

Qırım Rusiye tarafından işğal etilgen soñ qıtaiy Ukraina territoriyasına biñlerce insanlar köçti. Mecliste yarımadanı terk etmege mecbur olğan 35 biñ qırımtatar aqqında bildireler.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG