Link açıqlığı

Politsiya Harkov şeerinde patlav yüz bergenini bildire


Mayıs 11-de, saba Harkov şeerinde «Şarqiy korpus» patrul politsiyasınıñ rota bazasında patlav yüz berdi. Harkov vilâyeti Milliy politsiyasınıñ Baş idaresi bergen malümatqa binaen, iç kimse zararlanmadı.

«Nezaret işleri alıp barılğan vaqıtta uquq qoruyıcılar memuriy bina qorası yanında topraqta diametri 35 santimetr, terenligi 25 santimetrni teşkil etken hasarnı kördi. Ekspertlerniñ ilk neticelerine köre, belli olmağan patlatıcı alet patladı», – dep bildireler Harkov politsiyasında.

Vaqia aqqında malümat Ukraina Cinaiy kodeksiniñ cinayetçilik maddesi boyunca Yekâne mehkemeden evel keçirilgen taqiqat cedveline kirsetildi.

XS
SM
MD
LG