Link açıqlığı

Ukraina prezidenti Petro Poroşenko Rusiyede apishanede bulunğan ukrain arbiy adamı, Ukraina Yuqarı Radası deputatı Nadejda Savçenkonı 35 yıllığınen hayırladı.

«Can-yürekten istilâcığa qarşı ğalebe qazanmaq ümütiniñ timsali olğan Nadejdamıznı doğğan künü ile hayırlayım! Ukrain Qaramanını tuvğan topraqta şahsen hayırlamaq içün elimden kelgenimni yapam», – dep yazdı devlet yolbaşçısı Facebook saifesinde.

Nadejda Saçenko 1981 senesi mayıs 11-de Kiyevde doğdı. Balalıqtan arbiy uçaqlarnıñ uçucısı olmağa arzu ete edi. Mektepni bitirgen soñ modelyer-dizayner zenaatını aldı, soñra Ukraina Silâlı quvetlerine kontrakt boyunca kirdi, hızmetini demiryol ordusında radist olaraq başladı. Soñra Jitomir şeerinde 95-ci aeromobil brigadasında hızmetke kirmek içün kontrakt tizdi, o yerde birinci kontrakt batalyonı tizile edi. 2004-2005 seneleri ukrain barışıq kontingent terkibinde İraqta missiyada iştirak etti, o yerde yarım yıl devamında 72-ci ayrı batalyonnıñ üçünci rotasınıñ atıcısı edi.

2014 senesi Donbassta arbiy ameliyatta «Aydar» batalyonınıñ terkibinde göñülli olaraq iştirak etti. Aynı bu sene iyül ayında o rusiyeli separatistleriniñ eline tüşti, olar, Savçenko ve onıñ imayesiniñ malümatına köre, ukrain qadınını Rusiye territoriyasına alıp ketti. O yerde Savçenkonı Donbassta rusiyeli mühbirlerniñ öldürilmesinde iştirak etkeninde qabaatladılar.

Aprel 5-te Nadejda Savçenkonıñ davası boyunca rusiyeli mahkemeniñ qararı işke tüşürildi. Onı 22 yılğa apiste qaldırdılar. Ukrain qadını ve onıñ imayecileri bütün qabaatlarnı red eteler.

XS
SM
MD
LG