Link açıqlığı

Cemaat erbapları yañı Ukraina ükümeti içün Qırımnıñ reintegratsiyası boyunca tevsiyelerini bildirdi


«Qırımdan mecburiy şekilde köçkenler teşkilatlarınıñ Teftiş Şurası» cemaat birliginiñ temsilcileri Kiyevde keçirilgen konferentsiyada yañı Ukraina ükümeti içün işğal etilgen Qırımnıñ qaytarılması boyunca öz tevsiyelerini bildirdi.

«Almenda» vatandaşlıq maarifi merkezi cemaat teşkilatınıñ reisi Olga Skripnikniñ sözlerine binaen, cedvelge «vatandaş sayılmağan» statusı, tasil ve memuriy sıñırnı keçüv meseleleri boyunca tevsiyeler kirsetildi. Onıñ qayd etkenine köre, işğal etilgen yarımadağa kiriş/çıqış nizamına deñişmeler kirsetmek kerektir.

«Esas mesele: memuriy sıñır, onıñ vatandaşlarımız içün mania degil de, aksine açıq qapu olması kerek», – dep bildirdi Olga Skripnik.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG