Link açıqlığı

Aqmescitte mayıs 9-da, bazarertesi künü Ekinci cian cenkinde qazanılğan ğalibeniñ 71 yıllığını qayd eteler.

Kremlge boysunğan Qırım ükümetiniñ matbuat hızmetiniñ bildirgenine köre, mayıs 9-da, bazarertesi künü keçirilgen merasimler çerçivesinde Starozenitnaya soqağında yerleşken Arbiy memorial qabristanda tantanalı şekilde çiçekler qoyuldı.

Rusiyege boysunğan Qırım ükümetiniñ yolbaşçısı Sergey Aksönov Aqmescitteki Lenin meydanında Ekinci cian cenki veteranlarını tantanalı şekilde qarşıladı. Bundan da ğayrı, veteranlarnı Moskvağa boysunğan Qırım parlamentiniñ reisi Vladimir Konstantinov hayırladı.

Bayram merasimleri çerçivesinde Lenin meydanında arbiy tehnika ve silâ sergisi teşkil etildi.

Rusiyede ve Rusiye tarafından işğal etilgen Qırımda mayıs 9-da Ekinci cian cenkinde Almaniyanı yeñgeniniñ 71 yıllığını qayd eteler.

Ukrainada mayıs 9-da 1939-1945 seneleri Ekinci cian cenkinde natsizmni yeñilgen Ğalebe kününi qayd eteler. Bu hatıra kününi Ukraina Yuqarı Radası 2015 senesi aprel 9-da kommunizatsiyağa qarşı siyasetniñ ömürge keçirilmesi çerçivesinde tayinledi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG