Link açıqlığı

Saatnıñ esas haberi

Kezlevde 25 qırımtatar kişi yaqalanıp sorğuğa çekildi – mühbir


Mayıs 7-de rusiyeli uquq qoruyıcılar 25 qırımtatarnı tutıp, politsiyağa sorğuğa alıp ketti. Bu aqta mühbir Osman Paşayev bildire.

«Er kesni şeer politsiya bölügine alıp kettiler ve olarnıñ parmaq izlerini aldılar. Merkez bazarında ve «Vostoçka» restoranı rayonında tuta ediler. Bütün yaqalanğanlar – qırımtatarlardır», – dep yaza Osman Paşayev Facebook saifesinde.

Jurnalistniñ malümatına köre, uquq qoruyıcılar yaqalanuvlar Krasnodarda bir qorantanı öldürgen şahıslarnı tutma operatsiyasınen bağlı olğanını añlattılar.

«Kezlevde qırımtatarlarnıñ kütleviy şekilde yaqalanuvı Krasnodarda bir qorantanı öldürgen cinayetçilerni tutma operatsiyasınen bağlı olğanını añlattılar. Yaqalanğan kişilerge bu çalışmalar olğanını ayttılar. «Ruslar şeklenilip olamazlarmı?» sualine hadimlerden biri ola bilgenini ayttı. «Ne içün politsiyağa 20 insannı ketirdiler ve olarnıñ episi qırımtatar ola?» sualine cevap böyle oldı: «Biz kiçik adamlarmız, yuqarıdan emir keldi», – bildire jurnalist.

Bu mesele boyunca Qırımnıñ rusiyeli uquq qoruyıcı organlarınıñ resmiy izaatları yoq.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG