Qırım.Aqiqat Radiosınıñ yayınında yañı Musafir vaqtı leyhası yanğıray. Programma mevzusı – ananeviy qırımtatar baş kiyimi olğan fes. Fes öz vaqtında bütün Qırımda, Osmanlı Devleti ve musulman dünyasınıñ diger devletlerinde taqılğan baş kiyimi edi. Zemaneviy vaqıtta da fes taqmaq mot sayıla. Bu aqta ve diger moda tendentsiyaları aqqında qırımtatar dizayneri Elvira Usmanova ile muzakerelerni diñleñiz. Programma müellifi – Halise Zinedin.
Programma Qırım.Aqiqat Radiosınıñ yayınıda yanğıray. Bu yañı, özüne has radio formatı. Yayın vaqtı: 18:40-18:50. Yayınnı Qırım.Aqiqat saytında ve orta dalğalarda 549 kilogerts sıqlığında diñlemek mümkün. Qırım.Aqiqat radiosı Azatlıq Radiosı tarafından, Qırım.Aqiqat leyhasınen beraberlikte yarımadada radio yayınınıñ ğayrıdan tiklenilmesiniñ ekinci basamağı çerçivesinde, Ukraina haber siyaseti nazirliginiñ destegi ile teşkil etildi.
