İnternette mayıs 6-da Molodöjnoye köy camisinde musulmanlarnıñ kütleviy şekilde yaqalanmasını köstergen video peyda oldı. Yüz bergen vaqia videosını «15 minut» saytı paylaştı.
«Videonı «15 minut» saytına Federal havfsızlıq hızmeti qırımtatarlarnı yaqalağanlarını körgen insanlar yolladı», – dep qayd etile sayttaki videoğa izaatta.
Videoda turğan avtobuslar, silâlı uquq qoruyıcılar, ve vesiqaları teşkerilgen çorlanğan cemiyet azaları körüne.
Mayıs 6-da cuma namazından soñ Molodöjnoye köy camisinde 50-den ziyade silâlı insan musulmanlarnı yaqaladı.
Yüz bergen vaqia boyunca Qırımnıñ rusiyeli uquq qoruyıcı müessiseleriniñ resmiy izaatları yoq.
Qırım Rusiye tarafından işğal etilgen soñ qırımtatarlarnıñ evlerinde, camilerde pek çoq tintüvler keçirilip başladı, bunı Meclis ve uquq qoruyıcılar qayd ete.
Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
