Link açıqlığı

Aqmescitte belli olmağan şahıslar Qırım televizion şirketiniñ maşinasına ateş açtı – kütleviy haber vastaları


Aqmescitte «Qırım» televizion radio şirketiniñ turağında «Pervıy krımskiy» («Birinci qırımlı») telekanalınıñ maşinasına pnevmatik silâdan ateş açıldı. Yerli uquq qoruyıcılar maşinağa zarar ketirilgenini qayd etti, dep bildire «Argumenti nedeli Krım» agentligi.

«Biz ateş açuv ibaresini qullanmaycaqmız, çünki maşinağa ketirilgen zararnı tek taqiqat belgileycek. Kerçek, «102» telefon bağı vastasınen «Pervıy krımskiy» telekanalınıñ hadimleri telekanalnıñ maşinasında bozmalarnı körgenleri aqqında bildirildi. Telekanal hadimleriniñ fikirince, maşina pnevmatik silâdan zararlandı. Bu bildirme qabul etildi ve qayd etildi. Bu bildirme boyunca vaqia sebeplerini ögrenmek içün kerekli tedbirler keçirile», – dep izaat berdi Qırımdaki İçki işler nazirliginiñ Malümat ve cemaatçılıq ile bağ boyunca bölüginiñ müdiri Olga Kondraşova.

Maşina zarar körgeni aqqında telekanal müdiri Yekaterina Kozır da bildirdi. «Şeklenilgen şahıslarnıñ dairesi belgilengen. Bizni qorquzmaq kerekmey», – dedi o.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG