Link açıqlığı

Amerika Qoşma Ştatları Mudafaa naziri Eşton Karter mayıs 3-te almaniyalı Ştutgartta, AQŞ avropalı komandanlığı yerleşken yerde, Avropada yañı NATO baş komandanını – general Kertis Skaparrottini taqdim etti.

Bu vazifeni Kertis Skaparrotti AQŞ Arbiy ava quvetleri generalı Filip Bridlavdan aldı, o ise istifağa çıqtı.

Skaparrotti Ukrainağa silânı, hususan Javelin adlı köçürme tanklarğa qarşı raketa komplekslerini bermek teklifte bulunğan edi. O, Rusiye tecavuzına qarşı turmaq içün Avropada NATO quvetleriniñ bulunmasına qol tuta. Kertis Skaparrottiniñ fikirince, Rusiye alyansnı bozmağa tırışa.

Skaparrottini Avropada NATO Birleşken quvetleri komandanlığınıñ yolbaşçısı vazifesine namzet olaraq AQŞ prezidenti Barak Obama teklif etti. Onıñ namzetini Şimaliy Atlantik Alyansnıñ (NATO) Şurası ve Amerika Qoşma Ştatları Senatı tasdıqladı.

Bundan evel Kertis Skaparrotti Cenübiy Koreyada AQŞ birleşken komandalığınıñ yolbaşçısı edi.

XS
SM
MD
LG