Link açıqlığı

Ukraina Mudafaa nazirliginiñ Baş istihbarat (razvedka) idaresiniñ temsilcisi Vadim Skibitskiyniñ bildirgenine köre, Rusiye faal şekilde Qırımğa silânıñ yañı çeşitlerini, bu cümleden eñ yañı qanatlı raketalarnen suvaltı gemiler ve sail raketa komplekslerini ketire, ava ve gemi taqımlarını quvetleştire.

Bu aqta o «5 kanal» yayınında bildirdi.

«Şimdi o yerge pek faal şekilde zemaneviy silânıñ yañı çeşitleri, arbiy tehnika ve Qırım işğalinden evel yarımadağa ketirilmesi mümkün olmağan silâ ketirile», – qayd etti Skibitskiy.

«Meselâ, o yerge eñ evelâ eñ yañı qanatlı raketalarnen eñ yañı suvaltı gemiler ketirildi, olar bütün Ukraina territoriyasını urıp yoq ete bile. O yerde olmağan sail raketa kompleksleri ketirildi. Ve... Qırımda em ava, em gemi taqımları quvetlendirile», – qoştı o.

Skibitskiy, Rusiyeniñ Qırımda arbiy taqımlarını kelecekte de quvetlendirmege planlaştırğanında emin.

Ukrain istihbaratı işğal etilgen Qırımda rusiyei silâsınıñ avuşması, yarımadada rusiyeli ordunıñ ögrenüvler ve idmanları aqqında daima bildire.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG