Link açıqlığı

Haber vastaları: Moskvada 2014 senesi Odessadaki vaqialarnen bağlı aktisyada Ukraina elçiligine «fayerler» atıldı


Russia – The label on the Ukrainian Embassy in Russia. Leont'evskij lane, bldg. 18/17 h. 2. Moscow, 10Mar2016

Moskvada Ukraina elçiligi yanında «Antimaydan» rus areketi «Hatırlaymız» aktsiyasını keçire. Aktisya 2014 senesi mayıs 2-de Odessada yüz bergen vaqialarnen bağlı. Bu aqta «Govorit Moskva» («Moskva ayta») rusiyeli agentligi, areket reisi Anton Demidovnıñ sözlerine esaslanıp, bildire.

Onıñ sözlerine binaen, aktsiyada tahminen 500 insan iştirak ete.

Bunen beraber, Demidov tuman bombalarını yaqqan «nasıldır insanlar» elçilikke kelgenlerini qayd etti.

Bundan evel Rusiyede qayd etilmegen «Drugaya Rossiya» («Başqa Rusiye») firqasınıñ azası Aleksandr Averin Twitterde Ukraina elçiligine «fayerler» atılğanını bildirdi. Üç faal kişini politsiya hadimleri tuttı.

Rusiye politsiyası bu vaqiağa izaat daa bermedi.

Bugün Odessadaki Külikovo pole meydanında 2014 senesi mayıs 2-de yüz bergen facialı vaqialarnıñ bir yıllığınen bağlı aktsiyalarnıñ keçirilmesi planlaştırılğan.

2014 senesi mayıs 2-de Odessa merkezinde futbol mühlisleri ve ukrain quvetleriniñ marşına Rusiye tarafını tutqan faaller silânen ucum etti. Marşnıñ altı iştirakçisi öldürildi. Bundan soñ Ukraina tarafını tutqanlar yañı numayışnı teşkil etti ve Kulikovo pole meydanına yol aldılar, o yerde Rusşye tarafını tutqan faallerniñ çadır lageri buluna edi.

Rusiye tarafını tutqan faaller ve olarnıñ tarafdarları Zenaat birlikleri evinde saqlandı. Eki taraf bir birine yanıcı qarışmanen şişeler ata edi.

Binada yüz bergen yanğın neticesinde, binadan sekirmek ıntıluvlar ve Rusiye tarafdarları silâ qullanğanları sebebinden o yerde davanıñ eki tarafından daa 42 insan elâk oldı. Bunen beraber, o kün tahminen 200 insan yaralandı.

Şimdiki vaqıtta Odessa Malinovskiy rayon mahkemesinde şeer merkezinde yüz bergen kütleviy nizamsızlıq vaqiaları aqqında işniñ levhaları baqıla.

XS
SM
MD
LG