Kamçatkadaki Vilüçinsk şeerinde utilizatsiya havuzında turğan atom suvaltı gemisi yanmağa başladı. Yerli kütleviy haber vastalarınıñ bildirgen malümatına binaen, geminiñ yarısı qısımlarğa parçalanıp tura edi, onıñ içinden reaktornıñ aktiv parçası çıqarılğan. Yanğın endi bir qaç saat devam ete.
Bunen beraber, TASS rusiyeli agentligi, Rusiye Mudafaa nazirliginiñ matbuat hızmetininiñ bergen malümatına esaslanıp, laf 1998 senesi utilizatsiyağa teslim etilgen «Krasnoyarsk» atom suvaltı gemisi aqqında ketkenini bildire.
Müessisede bildirilgenine köre, gemiden bütün silâ ve özek tertibatı çıqarılğan, ve yanğınnıñ ekologiya tarafından telükesi yoq.
