Link açıqlığı

Saatnıñ esas haberi

Qırım sakinlerini içtimaiy ağlarda paylaşqan beyanatları içün cezalaylar


Rusiyege boysunğan prokuratura 22 yaşındaki Aqmescit sakinine qarşı «Vkontakte» içtimaiy ağında prokuratura «ekstremist» sayğan beyanatlarını yazğanı içün cinaiy iş açtı.

Bu aqta Rusiyege boysunğan Qırım prokuraturasınıñ matbuat hızmeti bildire.

«Belgilengenine köre, 22 yaşındaki yerli sakin öz saifesinde Ekstremistik malümat federal cedveline kirgen malümatnı yerleştirdi: milletçi şiarlarnen audio malümatları, ve natsistik timsallerni köstergen fotoresimler», – dep aytalar müessisede.

Beyanatta qayd etilgenine köre, içtimaiy ağnıñ qullanıcısına qarşı «Derc etilgen Ekstremistik malümat federal cedveline kirgen ekstremistik malümatnıñ kütleviy şekilde paylaşması aqqında» ve «natsistik timsallerniñ, ya da ekstremistik teşkilatlarnıñ timsalleriniñ teşviqatı ya da halq ögüne numayış etüvi» rusiyeli qanunlarınıñ maddelerine binaen memuriy qanunnı bozuv boyunca cinaiy işler açıldı.

Aqmescit Merkeziy rayon mahkemesi qabaatlanğan şahısqa 2 biñ ruble miqdarında memuriy cezanı belgiledi.

«Prokuror teşkerüvleriniñ neticesinde qanunnı bozğan şahıs audio malümatlarını özü sildi», – dediler müessisede.

Bu Qırım Rusiye tarafından işğal etilgen soñ içtimaiy ağlarda malümatnı paylaşqan yarımada sakinlerine qarşı açılğan cinaiy işlerniñ birincisi degildir.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG