Link açıqlığı

Rusiye tarafından işğal etilgen Qırım içinde avtobus taşıması keçken senege köre 30 fayızğa arttı. Bu aqta «Krımavtotrans» devlet müessisesi müdiri Sergey Suharevniñ sözlerine binaen «Krıminform» saytı bildire.

Onıñ qayd etkenine köre, bilet fiyatlarını taşıyıcılar belgiley, «Krımavtotrans» ise «yalıñız taşıma vesiqalarınıñ satılması boyunca agent ola».

«Nezaret daima teşkil etile. Er yapılmağan sefer içün ceza sanktiyalarını çıqaramız, amma taşıyıcılarnıñ öz problemaları da bar. Er yapılmağan sefer içün biñlernen ruble alına», – dedi Suharev.

Keçken sene yazda şeer arası avtobuslarnıñ fiyatı 27 fayızğa arttı.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG