Link açıqlığı

Saatnıñ esas haberi

Aprel 28-de BMT Havfsızlıq Şurası Donbassta vaziyet kerginleşkenini ve Qırımda Meclis yasaqlanmasını muzakere etecek


Ukraina Birleşken Milletler Teşkilâtı Havfsızlıq Şurasınıñ Donbassta vaziyet kergileşkeni ve Rusiye tarafından Minsk añlaşmalarına riayet etilmegenine dair açıq toplaşuv keçirmege teklif etti.

Ukraina prezidenti Petro Poroşenko Facebooktaki saifesinde yazğanına köre, toplaşuv aprel 28-de Kiyev saatine köre saat 22:00 New Yorkta ötkerilecek.

«Sebebi: Donbasstaki vaziyetniñ kerginleşmesi ve Rusiyeniñ Minsk añlaşmalarına riayet etmegeni», – dep aytıla haberde. Ukraina prezidentiniñ aytqanına köre, o, «tışqı işler naziriniñ muavini V.Pristaykoğa halqara toplulıqqa işğalcilerniñ Donbassta ve Qırımda yapqan soñki cinayetlerini yetkizmege, şu cümleden Qırımtatar Milliy Meclisi faaliyetiniñ yasaqlanmasından haberdar etmege avale etti».

2015 senesi oktâbr ayından itibaren Ukraina Birleşken Milletler Teşkilâtı Havfsızlıq Şurasınıñ daimiy olmağan azasıdır.

Rusiyeniñ Qırım işğali ve Donbasstaki silâlı zıddiyetten soñ teşkilât bir qaç sefer Ukraina vaziyetinden sebep toplaşqan edi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG