Link açıqlığı

Ukraina Haber siyaseti nazirligi onıñ yanında olğan talebeler şurasınıñ «Eurovision-2016» yarışında Jamalağa qoltutuv flashmobuna qoşulmağa çağıra. Bunı nazirlikniñ matbuat hızmeti bildire.

«Mayıs 12-de yırcı memleketimizniñ adına bütün Avropağa yırlaycaq. Ukraina Haber siyaseti nazirliginiñ yanındaki talebeler şurası oñ qoltutmaq içün flashmobqa yüzlernen semetdeşini çağırdı. Biznen beraber oña qoltutıñız! VoiceOfUnity hashtagını yazıp, Jamalanıñ çıqışı siziñ içün neni ifadeley añlatıñız. «1944» yalıñız bir yır olmağanını köstereyik», – dep aytıla haberde.

Qırım tamırları olğan ukrain yırcısı Jamala «Eurovision-2016» yarışına ukrain milliy saylavında ğalebe qazandı. O SMS rey berüvi boyunca seyircilerniñ eñ çoq reyini aldı – 142 biñ, bu ise 37,77 fayıznı teşkil etti.

Jamalanıñ taqdim etken «1944» adlı yırı qırımtatar halqına qarşı yapılğan Stalin nizamınıñ repressiyaları mevzusına – 1944 senesi sürgünligine bağışlanğan.

«Eurovision-2016» yarım finalları mayıs 10 ve 12 künleri, finalı ise mayıs 14-te Stokgolm şeerinde keçirilecek. Jamala ekinci yarım finalda, 15 sanlı nevbette sanağa çıqacaq.

XS
SM
MD
LG