Link açıqlığı

Saatnıñ esas haberi

Türkiyedeki Bursa şeerinde patlav neticesinde 1 insan elâk oldı, tahminen 20 kişi yaralandı


Türkiyedeki Bursa şeerinde yüz bergen patlav neticesinde 1 insan elâk oldı, tahminen 20 kişi yaralandı. «Anadolu» agentliginiñ bildirgenine köre, patlav yerli vaqtınen saat 17:26-da Qapalıçarşı tarihiy bazarğa «Ulu» camisi tarafındaki kiriş yanında yanğıradı.

Bursa memuriyetiniñ bergen malümatına binaen, patlav qadın öz özüni patlatqanından yüz berdi. Türkiye sağlıq saqlav naziri Muezzinoglu tahminen 25 yaşında olğan qadınnıñ bedeni parçalanğanını bildirdi.

Ukraina Tışqı işler nazirliginiñ qayd etkenine köre, İstanbuldaki Ukraina baş konsullığınıñ bergen malümatına binaen, zararlanğanlar arasında Ukraina vatandaşları yoq.

2016 senesi Türkiyede dört insan öz özüni patlattı, soñki patlav İstanbul şeerinde yüz berdi. Böyle eki patlavda «İslâm devleti» taqımınıñ temsilcileri qabaatlandı, kürd silâlı taqımları diger eki terakt içün mesüliyetni boynuna aldı.

XS
SM
MD
LG