Link açıqlığı

Rusiyeli muhalifi Aleksey Navalnıy «Rossiya-1» telekanalına qarşı namus qorçalanması boyunca mahkemege muracaat etip, dava açtı. Bunıñ sebebi onı ecnebiy mahsus hızmetler ile işbirlik tutqanında qabaatlı olğanını köstergen süjet oldı.

Davada cevapkârlar olaraq süjet müellifi Yevgeniy Popov ve alıp barıcı Dmitriy Kiselöv de qayd etildi.

«Deliller belli: bütün Kiselövniñ «taqiqatı» – birinci sözünden başlap soñkisine qadar episi uydurmadır», – dep yazdı Navalnıy öz blogında.

Aprel 13-te «Rossiya-1» telekanalınıñ yayınında «Effekt Braudera» adlı film taqdim etildi, filmde muhalifniñ ecnebiy mahsus hızmetler tarafından Rusiyeniñ esas qanun qurumını bozmaq içün celp etilgeni bildirile. Navalnıy Rusiye Federal havfsızlıq hızmetine vesiqalarnı, qaysı birlerine esaslanıp süjet müellifleri neticeler çıqarğan, alıp, olarnıñ aqiqiy olğanını teşkermek içün muracaat etti.

Bundan da ğayrı, siyasetçi jurnalistlerniñ Britaniya mahsus hızmetleri, «Matrosskaya tişina» apishanesiniñ tıbbiy hadimleriniñ yardımı ile, 2009 senesi noyabr ayında uquqçı Sergey Magnitskiyniñ öldürilmesini teşkil etkenlerini bildirgenlerini teşkermege rica etti.

XS
SM
MD
LG