Link açıqlığı

Saatnıñ esas haberi

Jamala: «Eurovision-2016» yarışına azırlıq kete, anter ve çıqış endi azır


Ukrainanı temsil etecek yırcı Jamalanıñ «Eurovision-2016» yır yarışına azırlığı aman-aman soñuna yetti.

Bu aqta Qırım.Aqiqat mühbirine Jamalanıñ özü añlattı.

«Azırlıq kete, er şey yahşı. Anter azır, çıqış azır, tek Stokgolmda episini bir yerge ketirmege qaldı. Mayıs 12-de mıtlaqa seyir etiñiz, siziñ dualarıñızğa ümüt besleyim», – dep Jamala ukrain seyircilerine muracaat etti.

Jamala «Eurovision-2016» yarışına azırlıq aqqında (video)
Bekleñiz, lütfen

No media source currently available

0:00 0:00:21 0:00

Qırım tamırları olğan ukrain yırcısı Jamala «Eurovision-2016» yarışına ukrain milliy saylavında ğalebe qazandı. O SMS rey berüvi boyunca seyircilerniñ eñ çoq reyini aldı – 142 biñ, bu ise 37,77 fayıznı teşkil etti.

Jamalanıñ taqdim etken «1944» adlı yırı qırımtatar halqına qarşı yapılğan Stalin nizamınıñ repressiyaları mevzusına – 1944 senesi sürgünligine bağışlanğan.

«Eurovision-2016» yarım finalları Mayıs 10 ve 12 künleri, finalı ise mayıs 14-te Stokgolm şeerinde keçirilecek. Jamala ekinci yarım finalda, 15 sanlı nevbette sanağa çıqacaq.

XS
SM
MD
LG