Link açıqlığı

Ukraina Nazirler kabineti sürgün etilgenlerniñ vaziyetini eyileşme programması çerçivesinde ATR telekanalına 5 mln grn ayırdı


Ukraina Nazirler kabineti sürgün etilgen qırımtatarlar ve diger milletler şahıslarınıñ vaziyetini eyileşme ve olarnı yerleştirme boyunca devlet programması çerçivesinde ATR qırımtatar telekanalına 5 million grivna ayırdı. Böyle qarar aprel 20-de ükümet toplaşuvında qabul etildi. Vesiqa aprel 22-de halqqa bildirildi.

Böyle qararnıñ qabul etilmesi telekanalnıñ SES ASTRA AB isveç şirketine satellit bağı hızmeti içün borcunen bağlı.

Haber siyaseti naziri Yuriy Stets böyle yardım dünyada yekâne qırımtatar tilinde yayınlağan telekanalnı destekleycegine ümüt besledi

Ukrain ükümeti bu sene devlet bücetinden Qırımtatar Milliy Meclis faaliyetine destek olaraq 60 million grivna ayırdı.

Aprel 1 kününden başlap ATR rus litsenziyasını alıp olamağanı içün, yarımadada öz muqayese yayınlamasını toqtattı. 2014 senesiniñ iyün 17 künü ATR telekanalı öz işini qıtaiy Ukrainadan ğayrıdan başladı.

Telekanalnıñ saibi Lenur İslâmov şimdiki vaqıtta Ukrainada yaşamaqta ve sentâbr 20 künü başlağan bugünki künge qadar Qırım qamaçavı boyunca grajdanlıq aktsiyasında baş teşebbüsçilerden biri olmaqta.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG