Link açıqlığı

Rusiyege boysunğan Qırım akimiyetinde aprel 21-de qaza sebebinden yarıqsız qalğan Aqmeçit rayonındaki köyler aqqında bildireler.

«Elektrik ağlarında qaza yüz bergen sebebinden Camal, Qara Acı, Tarpançı, Can Baba köyleri yarıqsız qaldı. Tamir işleri alıp barıla», – dep bildirile rusiyeli Qırım akimiyetiniñ beyanatında.

Köylerde yarıq ne vaqıt peyda olacağı bildirilmey.

Saba Qırım Fevqulâde vaziyetler nazirliginiñ baş komitetinde kergin ava sebebinden yarıqsız qalğan Saq rayonındaki köyler aqqında bildirdiler. FVN-niñ malümatına binaen, 3757 insan yarıqsız qaldı.

Qırımğa qıtaiy Ukrainadan elektrik energiyasınıñ berilmesi 2015 senesi noyabr ayından başlap toqtatıldı. Şimdi Qırım Rusiyeden ketirilgen generator aletleri ve Kubandan uzattırılğan energetik köprü vastası ile özüni yarıqnen teminley.

2016 senesi aprel 14-te Rusiye Federatsiyası Energetika naziri Aleksandr Novak Rusiyeden Qırımğa uzattırılğan energetik köprüniñ üçünci yipi işke tüşürilgenini bildirdi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG