İşğal etilgen Qırımda şimdiki Rusiye akimiyeti jurnalistlerge, şu cümleden Radio Svoboda mühbirlerine qarşı yapqan areketlerinden sebep şirket buña muhtac olğan insanlarnı haberdar etmege ve zenaatdaşlarını qorumağa devam etecegini bildire.
Radio Free Europe / Radio Liberty prezidentiniñ muavini Nenad Peiç Radio Svobodanıñ leyhası olğan Qırım.Aqiqat saytınıñ blok etilmesi çağıruvlarını izaatlap şunı dedi: Radio Free Europe / Radio Liberty Qırım saytı Rusiye işğal etken Qırımda mustaqil haberlerniñ soñki menbalarından biri ola.
Nenad Peiç Rusiye politsiyası Qırımda yedi insannıñ evinde tintüv keçirgenini bildirdi. «Bu jurnalistlerden biri onıñ işinen bağlı cinaiy qabaatlardan sebep peş yılğa qadar apiske alına bile», – dep aytıla şirketniñ haberinde.
Qırımda Rusiye kontrol etken işğal etilgen yarımada prokuraturası bildire ki, Qırım jurnalisti Mıkola Semena «matbuat vastalarında Rusiye topraq bütünligini çağırğanına dair» qabaatlar boyunca keçirilgen taqiqat devamında Qırımdan çıqamaz.
Salı künü, aprel 19-da, prokuratura bir qaç Qırım jurnalistiniñ evinde tintüv keçirildi ve «ekstremizm malümatını isbatlağan deliller azırlana», dep bildirdi.
Qırımdaki Rusiye akimiyetiniñ prokurorı Natalya Poklonskaya Qırım.Aqiqat leyhasınıñ saytını blok etmege çağırdı.
