Afğanistannıñ paytahtı Kabulda aprel 19-da olıp keçken deşetli patlav neticesinde eñ azından 20 kişi can berdi ve aman-aman 300 insan yaralandı, dep haber ete akimiyet.
Memleketniñ İç işler nazirligi bildire ki, ücüm maqsadı Milliy havfsızlıq idaresi edi. Canlı bomba saba saatlerinde patlavnı kerçekleştirdi, soñra boyevikler ateş açqanlar, dep qoşa Nazirlik.
Qurbanlar arasında em adiy insanlar, em de Afğanistan havfsızlıq quvetleriniñ azaları bar.
Ücüm mesüliyetini «Taliban» öz boynuna aldı. Bir afta evelsi «Taliban» «baar ücümi» aqqında bildirgen edi.
Patlavdan bir qaç metr uzaqlığında yerleşken prezident sarayı ücümni takbih etip, «qorqaqlar teraktı» dep ayttılar. Prezident ofisi dey ki, bu ücüm «Afğanistan havfsızlıq quvetleriniñ terrorizm ile küreşmek niyetlerini bozmaz».
