Link açıqlığı

Ukraina Devlet sıñır hızmetinde aprel 8-de Ukrainada OSCE Mahsus monitoring missiyası yolbaşçısınıñ birinci muavini Aleksandr Hug ile körüşüv olıp keçti. Körüşüvde ukrain sıñırcıları Donetsk ve Lugansk vilâyetleriniñ sıñırı ve Rusiye işğal etken Qırım Muhtar Cumhuriyetiniñ memuriy sıñır yanındaki vaziyetni aydınlattılar.

Bunı Ukraina Devlet sıñır hızmetiniñ matbuat hızmeti bildirdi.

OSCE vekilleri Qırım Muhtar Cumhuriyeti ile memuriy sıñırnıñ yanında Rusiye uçaqları sıq-sıq uçqanını bildirdiler.

Ukraina Devlet sıñır hızmeti Herson vilâyetiniñ yanında Rusiye aviatsiyası uçqanını bildire. Mart 23-te Herson vilâyetiniñ ava boşluğını bozğan Rusiye vertoleti aqqında haber etilgen soñ işğal etilgen yarımadağa yaqın olğan Herson vilâyeti rayonlarınıñ akimiyeti havfsızlıq tedbirleriniñ quvetleştirilecegini bildirdi.

Rusiye tarafı ukrain sıñırcılarınıñ ava boşluğı bozulmasına dair malümatlarını izaatlamadı.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG