Yaponiya akimiyeti ve yerli kütleviy haber vastalarınıñ malümatına köre, memleketniñ cenübinde aprel 14-te yüz bergen küçlü bir yer teprenüvi neticesinde eñ azından 2 insan elâk oldı, yüzlernen kişi yaralandı.
NHK telekanalınıñ malümatına köre, yıqılğan evde bir kişi elâk oldı, ekincisi yer teprenüvinden soñ yüz bergen yanğın neticesinde can berdi. Bundan ğayrı, eñ azından 400 insan hastahanede.
Fevqulâde vaziyetler neticeleriniñ yoq etilmesinden mesülietli memurlardan biri bildirdi ki, Kumamoto şeerinde doquz kişi elâk oldı. Qurbanlarnıñ sayısı arta bile.
Adamlarnı qıdırmağa devam eteler.
6 magnitudalı zelzele Küsü ğarp adasını da qaplap aldı, on biñlernen kişi evlerini terk etmege mecbur oldı.
