Link açıqlığı

Geniçesk rayonınıñ Novoalekseyevka qasabasında, işğal etilgen Qırım ile memuriy sıñırğa yaqın bir yerde, Odessa nomeraları olğan VAZ-2101 maşinasında patlav yüz berdi. Bunıñ neticesinde bir kişi elâk oldı, beş insan yaralandı, olardan biri hastahanege alındı, dep bildire Geniçesk rayonı memuriyetiniñ matbuat hızmeti.

Rayon devlet memuriyetiniñ reisi Aleksandr Vorobyev bildirdi ki, ilk malümatlarğa köre, maşinada patlav vaqtında kimse yoq edi. Onıñ aytqanına köre, can bergen kişi – 1977 senesi doğma, Novoalekseyevka sakini – ayaqmaşinada yanından keçken edi.

«Yaralanğanlar hastahanede yatalar, 1 kişi travmatologik bölüginde yata, 1 kişiniñ baldırı yaralı, 1 insan hirurgik bölüginde, 1998 senesi doğma talebe ilk yardım alıp, evine ketti», – dep aytıla haberde.

Rayon devlet memuriyeti bildire ki, gaz ballon donatmalarınıñ patlavı aqqında malümat tasdıqlanmay, çünki «bu maşinada gaz ballon donatmalarınıñ çizgileri» yoq.

«Patlav maddesi tapılğanına qadar terroristik akt ya da maşinada bir hata olğanını aytıp olamayıq», – dep qayd etti Aleksandr Vorobyev.

Herson vilâyetinde Ukraina Milliy politsiyası Baş idaresiniñ bağ bölüginiñ malümatına köre, adise yerinde taqiqat-operativ taqımı çalışmaqta. Patlav ögrenile, dep qayd ettiler uquq qoruyıcılar.

XS
SM
MD
LG