Ukraina Yuqarı Radası Andriy Parubiyni parlamentniñ reisi olaraq sayladı. Bu qararğa 284 deputat qoltuttı.
Parubiy Yuqarı Rada reisi vazifesine öz namzetini köstergende er kes öz menfaatları içün degil, Ukraina içün çalışsın dedi.
«Bugün epimiz ve devletimiz içün – mesüliyetli bir kün. Yalıñız ükümet tayinlenmesi degil. Bu bir numayıştır. Ukraina zor vaziyetlerge cevap bere bile. Zemaneviy bir devlet içün eñ qıyın vaqıt. İşğalciler toprağımızğa ayaq bastı. Eñ büyük duşmanımız – iç küreşimizdir», – dep qayt etti Parubiy.
«Taktikamız farqlı ola bile. Amma strategik meselelerde berabermiz: demokratik bir akimiyeti ve demokratik bir muhalifet. Parlament Ukraina akimiyetini deñiştirmege yardım etken bir meydan oldı. Ukrainanıñ institutsion imkânlarını arttırmaq kerekmiz, amma yalıñız spiker onı yapamaz», – dedi Parubiy.
Parubiy Yuqarı Radanıñ reisi vazifesine saylanmadan evel Volodımır Groysman Ukraina baş naziri vazifesine tayinlendi.
