Ukraina Yuqarı Radası Ukraina ükümetiniñ yañı reisi olaraq Volodımır Groysmannı tayinledi. Bu qararğa 257 deputat qoltuttı.
Deputatlar baş nazir vazifesinde bulunğan Arseniy Yatsenükni istifağa yolladılar.
Volodımır Groysman baş nazir olmadan evel Yuqarı Radanıñ reisi edi.
Qanunğa köre, Ukraina baş naziri prezidentniñ teklifinen Yuqarı Rada tarafından tayin etile. Ukraina prezidenti namzetni koalitsiyanıñ teklifinen köstere. Mudafaa naziri ve Tışqı işler nazirinden ğayrı, Ukraina Nazirler şurası baş nazir teklifinen tayin etile.
