Link açıqlığı

Qırımlılar ukrain vesiqalarını resmiyleştirmek içün qabar bermege mecburlar – göñülli


Ukraine -- Ukrainian passport

Rusiye işğal etken Qırım sakinleri ukrain vesiqalarını resmiyleştirmek içün çoqusı allarda qabar bermege ve bir insandan yardım etmesini rica etmege mecbur olalar, dep ayttı Qırım.Aqiqat Radiosınıñ yayınında göñülli Svetlana.

O, bala doğuv şeadetnamesini misal olaraq kösterdi: «Şimdi endirim bar, çünki iş qolaylaştırıldı. Başta doğuv şeadetnamesi 800-600 dollar edi. Bugün onıñ fiyatı 250-300 dollarnı teşkil ete».

Onıñ aytqanına köre, qanun çerçivesinde belli bir sıñırlar olğanından ukrain vesiqaları bu şekilde resmiyleştirile. Misal olaraq, bala doğuv şeadetnamesini almaq içün anası esas Ukrainağa kelip, mahkemege muracaat etmek kerek, amma er kes bunı yapıp olamay.

Yayınnıñ diger subetdeşi – Ukraina Devlet migratsion hızmetiniñ matbuat kâtibi Sergey Günko dedi ki, uquq qoruyıcılar bunıñ kibi qabarlarnı tapıp, bunıñnen küreşmege tırışalar.

«Bu ceetten temizlik yapıla. Amma, bundan ğayrı, vesiqalar aracı tarafından resmiyleştirile. Resmiyleştirilgen vesiqalarnı kontrol etmege tırışamız. Amma bu da ola bile», – dedi o.

Fevral 4-te Yuqarı Rada qabul etken Ukrainanıñ 3171 nomeralı qanunına binaen, Donbassnıñ işğal etilgen qısımınıñ sakinleri ve işğal etilgen Qırım sakinleri Ukraina kontrol etken yerlerge vaqtınca işğal etilgen yerlerniñ akimiyeti bergen doğuv ve ölüm şeadetnamesinen çıqa bileler.

Uquq qorçalayıcılar qanunda qayd etken qanunlar «ayırımcı», dep aytalar.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG