Link açıqlığı

Vilniusta – Dünya qırımtatar kongressi İdare şurasınıñ toplaşuvı devam ete


Litvaniya parlamentinde Mustafa Cemilevge bağışlanğan sergi

Salı künü, aprel 12-de, Litvaniyanıñ paytahtı Vilniusta Dünya qırımtatar kongressi İdare şurasınıñ işi devam ete.

Ukraina prezidentiniñ qırımtatar halqı işlerinden vekâletlisi Mustafa Cemilevniñ matbuat hızmeti bildire ki, Litvaniya parlamentiniñ Avropa haber ofisinde keçirilgen İdare şurasınıñ iş körüşüvi başlandı.

«Bir vaqıtları bu binada musulman müftiyligi yerleşken edi», – dep qayd ete matbuat hızmeti.

Vilniusta aprel 11-13 künleri Dünya qırımtatar kongressi İdare şurasınıñ toplaşuvı keçirilmekte. Tedbir «İşğal etilgen Qırımda insan aqlarınıñ bozuluvı» halqara konferentsiyasından başlandı. Konferentsiya devamında Rusiyeniñ Qırım işğali ve yarımadada qırımtatarlarnıñ vaziyetine dair bir qaç muracaat ve beyanname seslendirildi.

Rusiye akimiyeti işğal etilgen Qırımda insan aqları bozulğanını red ete.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG