Link açıqlığı

Saatnıñ esas haberi

Qırımda «Ğalebe Trenini» bekleyler


Qırımda Yarımadanıñ faşist basqıncılarından azat etüv Kününe ve Ğalebe Kününe bağışlanğan tedbirler başlandı.

Rusiye nezareti altında olğan Qırım ükümetiniñ Medeniyet nazirliginiñ matbuat hızmeti bildirgeni kibi, aktsiyalar Ermeni Bazarda başlandı ve aprel 18-ne qadar çeşit regionlarda devam etecek.

Matbuat hızmetiniñ malümatına köre, bu sene umumqırım vatanperver aktsiyasınıñ yañılığı «Ğalebe Treni» olacaq.

«Altı vagondan ibaret olacaq «Ğalebe Treniniñ» kelmesi bir yañılıq olacaq, vagonlarnıñ birinde Ulu Vatan cenkiniñ retro-müzeyi yerleşecek», – denile beyanatta.

Bundan da ğayrı, aktsiya çerçivesinde yarımadada avto yürüşleri keçirilecek.

​Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG