Link açıqlığı

Rusiye prezidenti Vladimir Putin Devlet şurasınıñ prezidium erkânını deñiştirip, Kreml tayin etken işğal etilgen Qırım yolbaşçısı Sergey Aksenovnı onıñ erkânına kirsetti. «Rusiye Federatsiyası Devlet şurasınıñ prezidiumı aqqında» qarar cumaaqşamı künü Kreml saytında aydınlatıldı.

Rusiye Federatsiyası Devlet şurasınıñ prezidiumı acele meselelerniñ al etilmesi içün şekillene, Devlet şurası işiniñ planını muzakere ete, em de onıñ nevbetteki toplaşuvnıñ kün tertibini belgiley; Devlet şurasınıñ iş planını ve qararlarınıñ yerine ketirilmesini talil ete.

Prezidium toplaşuvları eñ azından ayda bir kere keçirile. Prezidiumnıñ azalar erkânı Rusiye Federatsiyasınıñ prezidenti tarafından belgilene ve yarım yılda bir kere deñiştirile.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG