Link açıqlığı

Saatnıñ esas haberi

Dağlıq Qarabağda zıddiyet tarafları bir-birini barışıq bozulması ile qabaatlaylar


Dağlıq Qarabağ
Dağlıq Qarabağ

Azerbaycan ve Ermenistanğa qoltutqan separatist regionı – Dağlıq Qarabağ akimiyeti bir-birini aprel 5-te ilân etilgen barışıq bozulması ile qabaatladılar.

Azerbaycan Mudafaa nazirligi bildirdi ki, ermeni tarafı bir kün içinde barışıq rejimini 119 kere bozdı. Haberde aytılğanına köre, Azerbaycanğa em Ermenistan, em de Dağlıq Qarabağ tarafından ateş açıldı. 20 mesken noqtası ateşke oğradı, dep haber ete Oxu.Az Azerbaycan agentligi.

Dağlıq Qarabağ bildire ki, Azerbaycan arbiyleri aprel 7-ge keçer gecesi tanılmağan cumhuriyetke istihbarat maqsadınen kirecek oldılar. Qarabağ akimiyeti Azerbaycan arbiyleri silâ ve minaatıcılarnı qullandı, dep bildire.

Aprel 2-de, cumaertesine keçer gecesi, Dağlıq Qarbağdaki vaziyet kerginleşti. Ermenistan ve Azerbaycan tarafı bir-birini ağır silâ qullanmasınen ücüm etkenleri ile qabaatladı. Ermenistan prezidenti Serj Sargsân 18 ermeni askeriniñ vefat etkenini aydınlattı. Azerbaycan akimiyeti 12 asker ve bir vatandaşnıñ elâk olğanını bildirdi. Azerbaycannıñ Ermenistanğa qoltutqan separatist regionı Dağlıq Qarabağda eki vatandaş, biri 12 yaşında oğlançıq elâk olğanı bildirildi.

Aprel 3-te Azerbaycan Mudafaa nazirligi Baku Qarabağ zıddiyeti alanında arbiy areketlerni toqtatqanını ilân etti. Ealiniñ ekseriyeti ermeni olğan Dağlıq Qarabağ 1991 senesi Azerbaycan terkibinden çıqqanını ilân etti. Bundan sebep silâlı zıddiyet yüz berdi, bunıñ neticesinde Azerbaycan topraqnı nezaret etemey, 30 biñden ziyade insan elâk oldı. Ermenilerden ibaret quveter Dağlıq Qarabağnen beraber bu region etrafındaki yüksek noqtalarnı nezaret etmekte. Böylece, Azerbaycan bu devletke ait olğan topraqnıñ aman-aman beşinci qısmını kontrol etmey.

XS
SM
MD
LG