Kyivdeki «Kitap Anbarı» VI halqara festivalinde XV – XVIII asırlarınıñ Qırım hanlığı tarihınıñ tedqiqleri taqdim etilecek. Bunı monografiya müellifi, şarqşınas Mihail Yakuboviç bildirdi.
«Bu kitap – XV – XVIII asırlarnıñ Qırım hanlığı din-felsefe mirasınıñ ilmiy tedqiqi, onıñ esas intellektual ananeleriniñ inkişafını aks ettire: uquqı ve dinini, klassik ilâhiyat ve postklassik devirniñ musulman felsefesinde ilâhiyat ve tasaffuvnı», – dep aytıla kiriş sözünde, qayd ete Mihail Yakubovçi Facebookta.
Müellif Qırım hanlığınıñ meşur mütefekkirleriniñ tercimeiyallarını tertip etti, kitap ilâvelerinde olarnıñ eserlerinden tercime etilgen parçalar qayd etile. Edebiyatnıñ büyük qısmı dünya şarqşınaslıqta ilk sefer ilmiy paylaşımğa kirsetildi, dep aytıla kiriş sözünde.
Mihail Yakuboviç – Quran-ı Kerimni ukrain tiline tercime etken edi, islam felsefesine dair ilmiy işlerniñ müellifidir.
«Kitap Anbarı» halqara festivali «Mıstetskiy Arsenal» milliy medeniy-bediiy ve müzey kompleksinde keçirile. Bu sene kitap sergisi aprel 22-25 künleri ötkerilecektir.
