Link açıqlığı

Rusiyede ukrain uçucısı Nadejda Savçekoğa çıqarılğan mahkeme ükmü işke tüşürildi ve onıñ keleceginen bağlı mesele baqıla bile. Bunı adliyecisi Mark Feygin bildirdi, dep haber ete aprel 5-te «İnterfaks-Ukraina».

«Müşterimniñ emri üzerine ükümden şikâyet etmedik. Böylece, üküm gece işke tüşürildi», – dep qayd etti adliyeci.

Feygin bildirdi ki, «yaqın kelecekte Nadejdanıñ taqdirine tesir etecek deñişmeler ola bile». «Menim malümatıma köre, bazı mesleatlar devam ete, amma soñki qarar daa qabul etilmedi», – dep qoştı o.

Rusiye Tışqı işler nazirligi Savçenkonıñ kelecegi üküm işke tüşürilgen soñ muzakere etile bile, dep bildirgen edi. Ukraina prezidenti Petro Poroşenko Savçenko azat etilse, Ukrainada silânen yaqalanğan ruslar Yerofeyev ve Aleksandrov azat etilecekler, dep aytqan edi.

Aprel 4-te Ukraina vatandaşı Nadeeja Savçenko aprel 6-da quru açlıq grevine başlaycağını tasdıqladı. Bu aqqında adliyecileri derc etken mektübinde aytıla.

Mart 22-de Rostov vilâyetiniñ Donetsk şeeri mahkemesi Ukraina vatandaşı Nadejda Savçenkonı 22 yılğa qadar apiske aldı. Nadejda Savçenkoğa «sıñırnı qanunsız alda keçkeninden» 30 000 rublelik para cezası berili. Mahkeme Savçenkonı eki Rusiye jurnalistiniñ öldürüvi ile qabaatladı.

Nadejda Savçenko 2014 senesiniñ iyül ayından başlap, Rusiyeniñ apisinde, yapılğan cinaiy iş boyunca bulunmaqta. Savçenkonı Ukrainada qanunsız bulunğan, rusiye devlet televideniyesınıñ eki hadiminiñ öldürmesinde, separatist gruppasınıñ suiqast öldürmesinde ve qanunsız Rusiye sıñırını keçmesinde qabaatlaylar.

XS
SM
MD
LG