Link açıqlığı

Ukrainada Qırımdan ve Donbasstan köçip kelgen 1 mln 760 biñ 972 kişi qayd oldı – memleketniñ İçtimaiy siyaset nazirligi


Resim

Rusiye işğal etken Qırım ve Donbasstan köçip kelgen 1 mln 760 biñ 972 kişi Ukrainada qayd etildi, dep haber ete Ukraina İçtimaiy siyaset nazirligi.

«2016 senesi aprel 4 kününe qadar, vilâyetlerdeki devlet memuriyetleriniñ içtimaiy qoruv bölükleri ve Kyiv şeeri devlet memuriyetiniñ malümatına köre, Qırım ve Donbasstan köçken 1 mln 760 biñ 972 kişi ve 1 mln 407 biñ 382 qoranta qayd etildi», – dep aytıla haberde.

Ukraina İçtimaiy siyaset nazirliginiñ malümatına köre, 787 biñ 660 aile maddiy yardım istedi, olardan 736 biñ 305 qoranta bu yardımnı ala.

Nazirlikniñ matbuat hızmeti bildire ki, 2016 senesiniñ başından başlap 868 696 biñ grivna berildi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG