Link açıqlığı

Natalya Poklonskaya sürgün olunğanlarnıñ reabilitatsiyası meselesi boyunca Yaltada vatandaşlarnı qabul etecek


Natalya Poklonskaya

Rusiyege boysunğan işğal etilgen Qırımnıñ prokurorı Natalya Poklonskaya aprel 6-da Rusiye prezidentiniñ sürgün olunğan halqlarnıñ reabilitatsiyasına dair buyruğınıñ yerine ketirilmesi meseleleri boyunca vatandaşlarnı qabul etmege niyetlendi.

Bunı Qırım Rusiye prokuraturasınıñ matbuat hızmeti bildire.

«Yerli sakinler nezaret hızmetiniñ reberine sürgün olunğanlarnıñ içtimaiy meselelerinen bağlı sual bere bileler: mesken, gaz meselesi, topraq damartılarınıñ resmiyleştirilmesi, em de reabilitatsiya spravkalarınıñ berilmesi», – dep aytıla haberde.

Rusiye prezidenti Vladimir Putin 2014 senesi aprel ayında, Rusiye ukrain Qırımını işğal etken soñ, repressiyalarğa oğratılğan qırımtatarlar ve Qırımnıñ diger halqlarınıñ reabilitatsiyası aqqında buyruqnı imzalağan edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG