Link açıqlığı

Ukraina psihologı Natalya Ulko Rusiye işğal etken Qırımdan köçip kelgenler arasında qaviy bir bağ bar olğanını qayd ete.

Bunı o Qırım.Aqiqat Radiosı efirinde ayttı.

Psiholog köçip kelgenlerge subetleşmek içün meslekdeşlerini tapmağa, stress vaziyetini yañı imkânlar olaraq körmege tevsiye ete.

«Meslekdeşlerini tapıp fikir paylaşmaq kerek. Eminim, üküm sürgen vaziyet qırımlılarğa birleşmege imkân berdi. Esas Ukrainağa köçip kelgenler birlik oldılar. Qırımdan kelgenler maña ayta ediler: «Bundan evel o qadar bağlı degil edik, o qadar meslekdeşimiz yoq edi», – dep tarif etti Natalya Ulko.

Ukraina içtimaiy siyaset nazirliginiñ mart 28-de bergen malümatına köre, Qırım Muhtar Cumhuriyeti ve Donbass rayonlarından köçip kelgen 1 mln 754 biñ 901 kişi qayd etildi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG