Ukraina baş naziri Arseniy Yatsenükniñ zanınca, Ukrainanıñ topraq bütünligi ğayrıdan tiklengenine qadar ve işğal etilgen Qırım onıñ nezareti altına qaytarılğanına qadar Rusiyege qarşı sert bir siyaset, şu cümleden cezalar, saqlap qalmaq kerek.
Bunı o aprel 3-te yapqan muracaatında ayttı, dep bildire Ukraina ükümetiniñ portalı.
«İstilâcı devlet olğan Rusiye Federatsiyasına qarşı sert bir siyaset. Ukrainanı qullanıp bir de bir añlaşma yoq. Ukraina devletiniñ topraq bütünligi ğayrıdan tiklenmek kerek. Donetsk, Lugansk vilâyetleri ve Qırım qaytarılmalı», – dep qayd etti ükümet reisi.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
