Link açıqlığı

Saatnıñ esas haberi

Rusiyede «Hizb ut-Tahrir» ile alâqalarınen qabaatlanğan insanğa üküm çıqarıldı


Peterburg mahkemesi cumaaqşamı künü Rusiyede terroristik olaraq tanılğan «Hizb ut-Tahrir» teşkilâtınıñ faaliyetinen bağlar ile qabaatlanğan Roman İvanovğa 13 yıl ve dört ay apis cezasını berdi, dep haber ete «OVD-İnfo».

Bundan evel mahkeme Peterburg sakini Sergey Yablokovnı «Hizb ut-Tahrirde» reberlik yapqanı ile qabaatlap, 12 buçuq yılğa qadar azatlıqtan marum qaldırdı. Taqiqat malümatına köre, o, teşkilâtnıñ «bölük» reberi olıp, teşkilâtnıñ faaliyeti ve mefküresi, «çeşit din ve siyaset meseleleri baqılğan» «gizli toplaşuvlarnı» teşkil etken edi.

FSB esabatlarına binaen, Rusiyede soñki yıl içinde «Hizb ut-Tahrir» ile alâqalarınen şeklengen yüzlernen kişi apiske alındı.

Rusiye Qırımnı işğal etken soñ yarımadada da «Hizb ut-Tahrir» ile alâqalarınen şeklengenler yaqalanmağa başladı.

XS
SM
MD
LG