Link açıqlığı

Washingtonda keçirilgen nükleer havfsızlığı sammiti başlandı, onlarnen dünya lideri ve eyyetler qoşuldı. Konferentsiya iştirakçileri ekstremist teşkilâtlarına «kirli bombanı» yapmaq içün nükleer malzemelerini elde etmege imkân bermemek içün tedbirler planını muzakere etecekler. Rusiye bu tedbirde ilk sefer iştirak etmey.

Kün tertibinde – Şimaliy Koreyanıñ nükleer programmaları ve bu devlet tarafından kele bilecek telükeler, memleket bir qaç kere nükleer maddeleri ve raketalarını sınap baqqanını bildirgen edi.

Sammit AQŞ prezidenti Barack Obamanıñ teşebbüsi ile 2010 senesinden itibaren eki yılda bir kere keçirile.

Ukrainanı prezident Petro Poroşenko temsil ete. O, AQŞ prezidenti Obama ve prezident muavini Biden ile endi körüşti.

Rusiye böyle forumda iştirak etmekten vazgeçti, Ğarp Ukraina şarqındaki zıddiyet ve Qırım işğalinden soñ Moskva ve NATO munasebetleri kerginleşkenini bunıñ sebebi olaraq adlay. Rusiye prezidentiniñ vekili Dmitriy Peskov forumnıñ «meseleleri ve mevzuatı baqılğanda eki taraflı munasebet az olğanından» forumda iştirak etmegenlerini bildirdi. Birinci eki forumda Rusiyeni o vaqıt prezident olğan Dmitriy Medvedev temsil etken edi, 2014 senesi keçirilgen üçünci forumğa ise tışqı işler nazii Sergey Lavrov kelgen edi.

XS
SM
MD
LG