Link açıqlığı

Büyük Britaniya Tışqı işler naziri Rusiyeni bütün dünya içün telüke dep adladı


Philip Hammond Tbilisideki çıqışı vaqtında, 2016 senesi mart 30 künü

Büyük Britaniya Tışqı işler naziri Philip Hammond dedi ki, Rusiye halqara uquqnı bozğanınen dünyada er kes içün telüke olğanını isbatlay.

«Rusiye halqara tertip qaidelerinden nefret etip, halqara sistema qaidelerini boza. Epimiz içün telükelidir», – dep ayttı Hammond Gürcistannıñ paytahtı Tbiliside çıqışta bulunğanda.

O, Rusiyeni dünyada konstruktiv bir rol oynamağa ve halqara sistema qaidelerine riayet etmege çağırdı.

Philip Hammond Gürcistanda memleketniñ baş naziri Giorgi Kvirikaşvili ile körüşecek ve BP Britaniya energetik çoq milletli şirketi operatorlıq yapqan Cenüp-Kavkaz boru ağını ziyaret etecek.

XS
SM
MD
LG