Estoniya bildirgeni kibi, Rusiyeniñ arbiy - naqliy uçağı, onıñ ava boşluğını bozdı, bundan sebep Tallin Moskvağa narazlıqnı bildirdi.
Eston arbiy adamlarınıñ sözlerine binaen, An - 26 adlı uçaq, Baltıq deñiziniñ Vayndloo adasınıñ üzerinde eñ azı bir daqqa devamında uçıp, eston ava boşluğını bozdı. Uçuşnıñ planı boyunca ise, uçaq er vaqıt halqara ava boşluğında olmaq kerek edi.
Bunıñnen bir sırada, rusiye uçağı bozuv vaqıtına eston avanavigatsion hızmetleri ile bağ tutmadı.
Bundan sebep, Estoniyanıñ Tışqı İşler Nazirligi Rusiye elçisini çağırıp, narazlıqnı bildirdi.
Eston malümatlarına köre, yüz bergen ava boşluğınıñ bozuvı, bu sene Rusiye arbiyleri tarafından ekinci kere tekrarlana. Keçken sene ise, böyle vaqialar üç kere olğan, bir yıl evel ise sekiz kere.
Rusiye sıq vaqıtta, yapılğan bozuvlarını red etmekte.
